Effaith COVID-19 ar ddarparwyr addysg

Rydym wedi bod yn gweithio gyda'n holl ddarparwyr addysg i sefydlu fframwaith cyffredinol ar asesu, dyfarnu cymwysterau a hyfforddiant a'n nod yw parhau i gydweithio ar ffyrdd ar y cyd o fynd i'r afael â'r heriau parhaus sy'n gysylltiedig â COVID-19. Rydym yn gwerthfawrogi bod aelodau staff a myfyrwyr darparwyr addysg yn bryderus iawn am y goblygiadau posibl i'r dyfodol. 

Mae'r cyfyngiadau sydd ar waith i reoli lledaeniad COVID-19 wedi golygu na all llawer o agweddau ymarferol ar ddysgu ac addysgu ddigwydd yn y ffordd arferol mwyach, ac mae sefydliadau wedi gwyro oddi wrth weithdrefnau sefydledig i barhau ag addysg a hyfforddiant.

Rydym yn hyblyg gyda phenderfyniadau a wneir gan ddarparwyr addysgol i addasu eu hasesiadau ar gyfer myfyrwyr ac rydym wedi cytuno ar y dull y mae ein darparwyr addysg yn ei gymryd i fyfyrwyr blwyddyn olaf er mwyn cynnal safonau a chadw gwarchodaeth y cyhoedd ar sail pob penderfyniad.

Wrth baratoi myfyrwyr ar gyfer graddio eleni bydd darparwyr addysg yn sicrhau y bydd pob myfyriwr, sy'n derbyn cymhwyster, wedi dangos digon o ddysgu sy'n bodloni gofynion a safonau cymhwysedd y rhaglen ac yn lleihau'r posibilrwydd o lai o brofiad.

Rydym yn gwerthfawrogi y gellir adolygu a newid unrhyw fesurau sy'n cael eu cymryd.

Pwyllgor Addysg y GCC

Mae Pwyllgor Addysg GCC wedi cyfarfod i drafod rhai o'r newidiadau ac wedi tynnu sylw at feysydd blaenoriaeth penodol sydd angen gweithredu.

Roedd yr aelodau'n arbennig o falch o nodi bod pob darparwr addysg wedi gallu cydweithio i ddod o hyd i atebion cyffredin a darparu rhywfaint o gysondeb i bob myfyriwr sydd mewn sefyllfa debyg. Rydym yn falch o weld y cydweithrediad hwn yn digwydd.

Mae'r Pwyllgor hefyd yn ymwybodol ei bod yn debygol y bydd adolygiad cyson o'r sefyllfa ar gyfer myfyrwyr eleni ac ar gyfer myfyrwyr newydd pe bai canllawiau iechyd presennol y DU yn parhau am gyfnod hir, y bydd angen ei addasu ymhellach.

Mae'r Pwyllgor yn cydnabod bod sefydliadau eisoes yn llunio cynlluniau i ddelio â'r sefyllfa a gofynnir iddynt ddogfennu unrhyw newidiadau a wneir i gyrsiau.